کراچی( نئی تازہ رپورٹ) پاکستان ایئرپورٹس اتھارٹی نےحج 2025 آپریشن میں خدمات انجام دینے والےملازمین کے لیے ایس او پیز جاری کردیے۔
میڈیا رپورٹ کے مطابق پاکستان ایئرپورٹس اتھارٹی کی طرف سے حج آپریشن میں خدمات انجام دینے والے ملازمین کے لیے جاری کردہ ایس او پیز کے مطابق حج ڈیوٹی پر جانے کے لیے گروپ ایک تا 11 کے ملازمین درخواست دینے کے اہل ہوں گے۔ جبکہ ایسے ملازمین حج ڈیوٹی کے لیے درخواست دینے کے اہل نہیں ہوں گے جن کے خلاف انکوئریز ہو رہی ہیں۔
حج ڈیوٹی کے لیے درخواست دینے والےملازمین کی کم ازکم مدت ملازمت 5 سال اوران کا طبی لحاظ سے فٹ ہونا لازم ہوگا،ایئرپورٹس اتھارٹی کے مطابق حج آپریشن میں حجازمقدس ڈیوٹی انجام دینے کے لیے ملازمین کی 4 فروری 2025 کو کراچی میں ای قرعہ اندازی کی جائے گی۔
پی اے اے کے مطابق حج ڈیوٹی انجام دینے کےخواہش مند ملازمین اپنےشعبہ جات کےڈائریکٹرز، ایئرپورٹس منیجرزاور اپنی براچز کےتوسط سے درخواست دے سکیں گے، حج ڈیوٹی پر پرجانے والے ملازمین کو حج ادائیگی کی اجازت نہیں ہوگی۔
