اسلام آباد ( نئی تازہ رپورٹ) وزیراعظم شہباز شریف نے ری پبلکن امیدوار ڈونلڈ ٹرمپ کو امریکی صدارتی انتخابات میں کامیابی پر مبارکباد دی ہے۔
سماجی راطبے کی ویب سائٹ پر شہباز شریف نے ڈونلڈ ٹرمپ کو صدارتی انتخابات میں کامیابی پر مبارکباد کے پیغام میں کہا کہ نئی انتظامیہ کے ساتھ تعلقات کو مزید مستحکم بنانے کے لیے پرعزم ہوں۔
وزیراعظم شہباز شریف نے ویب سائٹ ’ایکس‘ پرکی گئی پوسٹ میں ڈونلڈ ٹرمپ کو امریکہ کا 47واں صدر منتخب ہونے پر مبارکباد دی۔
پاکستان پیپلز پارٹی کے چیئرمین سابق وزیر خارجہ بلاول بھٹو زرداری نے بھی ڈونلڈ ٹرمپ کو صدارتی انتخابات میں کامیابی پر مبارک باد دی ہے۔
سماجی رابطے کی ویب سائٹ پر جاری بیان میں بلاول بھٹو زرداری نے کہا کہ امریکی عوام نے ڈونلڈ ٹرمپ اور ان کی ٹیم کو زبردست فتح دلائی ہے۔
بلاول بھٹو نے کہا کہ ڈونلڈ ٹرمپ کو جنگ مخالف مینڈیٹ ملا ہے۔انہوں نے اُمید ظاہر کی کہ نئی امریکی انتظامیہ امن کو اولین ترجیح دے گی اور دنیا بھر میں جاری تنازعات کو ختم کرنے میں مدد کرے گی۔
