پی آئی اے کی حج پرواز کؤ ہائی ٹمپریچر کی وارننگ کے باعث ہنگامی طور پر ریاض ائیرپورٹ پراتار لیا گیا۔
میڈیا رپورٹ کے مطابق پاکستان انٹرنیشنل ائیر لائن (پی آئی اے) کی کراچی سے جدہ جانے والی پرواز کے ایک مسافر نے بتایا کہ دوران پرواز طیارے میں دھماکے کی آواز سنی گئی، جس کے بعد طیارہ جدہ سے موڑ کر ہنگامی طور پرریاض ائیرپورٹ پر اتار لیا گیا اورطیارے سے تمام مسافروں کو اتارکر لاونج میں منتقل کیا گیا۔
پی آئی اے ترجمان کے مطابق پاکستان انٹرنیشنل ائیر لائن کی حج پرواز رات 10 بجے کراچی سے جدہ روانہ ہوئی تھی، دوران پرواز طیارے کے کارگو کیبن میں ہائی ٹیمپریچر کی وارننگ آئی، وارننگ کی وجہ سے طیارے کو جدہ سے رخ تبدیل کرکے ریاض ائیرپورٹ پر اتارلیا گیا۔
پی آئی اے کے ترجمان کا کہنا ہے کہنے بتایا کہ طیارے کی جانچ کے بعد ہائی ٹیمپریچر وارننگ غلط ثابت ہوئی، جس کے بعد پرواز کو دوبارہ اپنے روٹ پرجدہ روانہ کر دیا گیا۔
