لاہور ( نئی تازہ رپورٹ) پنجاب کے سکولوں میں موسم گرما کی تعطیلات کا اعلان کر دیا گیا۔ سکول ایجوکیشن ڈیپارٹمنٹ پنجاب نے تعطیلات کا اعلان کیا۔
سیکرٹری سکول ایجوکیشن پنجاب کے مطابق 6 جون سے 20 اگست تک موسم گرما کی تعطیلات ہوں گی۔ اس سے قبل گرمی کی شدت میں اضافے سے پنجاب کے بعض سکولوں میں کئی طلبا کی طبیعت خراب ہونے کی خبریں سامنے آئی تھیں جس پر والدین اور اساتذۃ نے سکولوں میں یکم جون سے تعطیلات کا مطالبہ کیا تھا تاہم سیکرٹری سکول ایجوکیشن مقبول احمد نے واضح کیا تھا پنجاب بھر کے سکولز میں چھٹیاں 6 جون سے ہی ہونگی۔
ذرائع کے مطابق چھٹیوں کی سمری چیف سیکرٹری کو بھجوائی گئی تھی ۔ جس کی منظوری کے بعد بدھ کو اعلان کیا گیا کہ صوبہ بھر کے سکولوں میں 6 جون سے گرمیوں کی چھٹیاں ہوں گی۔
