ڈیووس /ریاض (نئی تازہ مانیٹرنگ )سعودی وزیرخارجہ شہزادہ فیصل بن فرحان نے اسرائیل کے ساتھ تعلقات کو خطے کے مفاد میں قرار دیتے ہوئے واضح کیا ہے کہ فلسطینی ریاست کے قیام کا معاہدہ ہی سعودی عرب کے اسرائیل کے ساتھ تعلقات استوار کرنے کے لیے پیشگی وبنیادی شرط ہے۔
عرب میڈیا کے مطابق شہزادہ فیصل بن فرحان نے ڈیووس میں غیر ملکی میڈیا کو انٹرویو میں کہا کہ ہمارے نزدیک اسرائیل کے ساتھ تعلقات بہت حد تک خطے کے مفاد میں ہوں گے۔تاہم حقیقی استحکام کا ہدف اس وقت تک حاصل نہیں کیا جا سکتا جب تک فلسطینیوں کوعزت واحترام نہ دیا جائے جس کے لیے فلسطینیوں کو ان کی ریاست د ینا ضروری ہے ۔
سعودی وزیرخارجہ نے کہا کہ چین کے ساتھ تعلقات میں گرمجوشی کے باوجود واشنگٹن، سعودی عرب کا بڑا سکیورٹی شراکت دارہے گا۔
سعودی وزیرخارجہ شہزادہ فیصل بن فرحان نے روس، یوکرین جنگ کے حل کے لئے مذاکرات کوبے حد اہم قرار دیتے ہوئے امکان ظاہر کیا کہ مذاکرات کے ذریعے بہترحل سامنے آئے گا۔
