لاہور ( نئی تازہ ڈیسک) ر واں سال 9 ویں جماعت کا اسلامیات لازمی کا پیپر 100 نمبروں کا ہو گا، تعلیمی بورڈز نے تمام سکولوں کو ہدایات جاری کردیں۔
نجی ٹی وی کی رپورٹ کے مطابق آئندہ سے 9 ویں جماعت کے امیدواروں کیلئے اسلامیات لازمی کا 100 نمبروں کا امتحان ہو گا ، اسلامیات کے پیپر کے لئے 3 گھنٹے کا وقت دیا جائے گا، امتحان بارے پنجاب ٹیکسٹ بک بورڈ نے ماڈل پیر بھی جاری کردیا ہے۔ تمام نئے امیدوار اسلامیات لازمی کا 100 نمبروں کا پیپر دیں گے۔
رپورٹ کے مطابق ماڈل پیپر تمام تعلیمی بورڈز کی ویب سائٹس پر اپ لوڈ کر دیا گیا ہے، واضح رہے کہ اس سے قبل اسلامیات اور مطالعہ پاکستان کا 50،50 نمبر کا پیپر لیا جاتا تھا۔
