مری ( مانیٹرنگ ڈیسک) پاکستان مسلم لیگ ن کے صدر نوازشریف ہیلی کاپٹر کے ذریعے پیر کو مری پہنچ گئے ہیں ۔
تفصیلات کے مطابق مسلم لیگ ن کے صدراور سابق وزیراعظم نوازشریف پی ٹی آئی کے احتجاج کے باعث راستے بند ہونے کی وجہ سے ہیلی کاپٹرکے ذریعے اسلام آباد سے مری کے گھڑیال ہیلی پیڈ پہنچے۔
ہیلی کاپٹر کی لینڈنگ کے بعد نواز شریف اپنی گاڑی میں کشمیر پوائنٹ پر واقع رہائش گاہ پہنچ گئے۔
یہ بھی پڑھیں : ایچ آئی وی کا پھیلاؤ، نشتر ہسپتال ملتان کے ایم ایس سمیت 6 ملازمین معطل، وی سی مستعفی
میڈیا رپورٹ کے مطابق وزیراعلیٰ پنجاب مریم نوازشریف بھی کل منگل کو مری پہنچ رہی ہیں تاہم سرکاری طور پر یا پارٹی کی جانب سے اس حوالے سے ابھی تک کوئی معلومات فراہم نہیں کی گئیں ۔
۔
یاد رہے کہ سابق وزیراعظم نواز شریف اور وزیراعلیٰ پنجاب مریم نوازتقریباً ایک ہفتہ قبل بیرونی دورے کے بعد وطن واپس پہنچے تھے ۔نواز شریف 26 اکتوبر کو لندن پہنچے تھے، انہوں نےامریکہ اور جنیوا کا دورہ بھی کیا۔
