حکومت نے 17 ستمبر کو عیدمیلادالنبیﷺ کے موقع پر عام تعطیل کا اعلان کر دیا،کیبنیٹ ڈویژن نے نوٹیفکیشن جاری کر دیا ہے ۔
سیکرٹری کابینہ ڈویژن کی طرف سے جاری نوٹیفکیشن کے مطابق 17 ستمبر کو عیدمیلادالنبیﷺ کے موقع پرعام تعطیل ہو گی ۔ اس طرح 17 ستمبر کو تمام سرکاری ادارے بند رہیں گے جبکہ تعلیمی اداروں اور بینکوں میں بھی تعطیل ہو گی
نوٹیفکیشن میں کابینہ ڈویژن کے 20 دسمبر 2023 کو سال 2024 کی تعطیلات بارے جاری کردہ سرکلرکا حوالہ دیا گیا ہے جس میں 12 ربیع الاول کو عام تعطیل کا ذکر تھا
واضح رہے کہ چیئرمین رویت ہلال کمیٹی مولانا عبدالخبیر آزاد کی زیر صدارت 4 ستمبر کو ہونے والے مرکزی رویت ہلال کمیٹی کے اجلاس میں ربیع الاول کا چاند نظر نہ آنے کا اعلان کیا گیا اس طرح یکم ربیع الاول 6 ستمبر کو اور 12 ربیع الاول 17 ستمبر کو ہوگی۔
