پاکستان کی ابھرتی ہوئی سکواش سٹار ماہ نور علی نے سنگا پور میں منعقدہ انڈر 13 اسکواش چیمپئین شپ میں گولڈ میڈل حاصل کر لیا۔
میڈیا رپورٹ کے مطابق پاکستان کی ماہ نور علی نے فائنل میں ہانگ کانگ کی ٹانگ چانگ سم کو بآسانی 0-3 سے شکست دے کر گولڈ میڈل حاصل کیا۔
آسٹریلین اوپن اسکواش چیمپئن شپ کی فاتح ماہ نور علی نے سیمی فائنل میں ایشین جونیئر 4 جاپان کی ایمیلی سینیئر کو بھی آسانی سے 0-3 سے ہرایا تھا۔ کم عمری میں سکواش میں نمایاں کارکردگی کا مظاہرہ کرنے والی ماہ نور کا تعلق پشاور سے ہے ۔
