لاہور ( نئی تازہ رپورٹ) بورڈ آف انٹرمیڈیٹ اینڈ سیکنڈری ایجوکیشن لاہور کے زیراہتمام انٹرمیڈیٹ پارٹ ٹو 2024 کے اپریل میں منسوخ ہونے والے پیپرز کی نئی ڈیٹ شیٹ جاری کر دی گئی، نئے جاری شدہ شیڈول کے مطابق منسوخ شدہ پیپرز 23 سے 25 مئی 2024 کے دوران ہوں گے۔
لاہور بورڈ حکام کے مطابق 12ویں جماعت کے پرائیویٹ امیدواروں کی رولنمبر سلپس اپ لوڈ کر دی گئی ہیں اور ان کے گھروں کے ایڈریس پر رولنمبر سلپس بھجوا دی گئی ہیں، انٹرمیڈیٹ( پارٹ ٹو) کے ریگولر امیدواروں کی رولنمبر سلپس بھی بورڈ کی ویب سائٹ پر اپ لوڈ کر دی گئی ہیں، تعلیمی ادارے دیئے گئے لاگ ان اور پاسورڈ کے زریعے رولنمبر سلپس حاصل کر سکتے ہیں
بورڈ آف انٹرمیڈیٹ اینڈ سیکنڈری ایجوکیشن لاہور کے جاری کردہ نئے شیڈول کے مطابق 20 اپریل 2024 کو منسوخ ہونے والے انٹر میڈیٹ پارٹ 2 کے کیمسٹری اور دیگر مضامین کے پیپرز اب جمعرات 23 مئی 2024 کو ہوں گے
نئی ڈیٹ شیٹ کے مطابق 23 اپریل کو منسوخ ہونے والا پیپراب جمعہ 24 مئی کو ہوگا، اسی طرح 22 اپریل 2024 کو منسوخ ہونے والا انگلش لازمی کا پرچہ اب 25 مئی 2024 بروز ہفتہ ہوگا۔
