راولپنڈی ( نئی تازہ مانیٹرنگ) راولپنڈی میں مری روڈ پرمسلح ملزمان کی فائرنگ سے ڈولفن پولیس فورس کا ایک اہلکار شہید اور ایک شدید زخمی ہوگیا۔
اطلاعات کے مطابق راولپنڈی میں مری روڈ پر گاڑی میں سوارملزمان نے تعاقب کرنے پر فائرنگ کر دی جس سے ڈولفن فورس کا اہلکار اسماعیل موقع پر شہید جبکہ ایک اہلکار شدید زخمی ہوگیا۔
زخمی اہلکار کوطبی امداد کے لیے بینظیر بھٹو ہسپتال منتقل کردیا گیا ہے، پولیس کے مطابق ڈولفن اہلکار گاڑی میں سوار ملزمان کا تعاقب کررہے تھے، مری روڈ پر ملزمان کو رکنے کا اشارہ کیا تو انہوں نے گاڑی کے اندر سے فائرنگ شروع کردی اور گاڑی چھوڑ کر فرار ہو گئے۔
ًٰمیڈیا رپورٹ میں پولیس ذرائع کے حوالے سے بتایا گیا ہے کہ ملزمان کو شناخت کرلیا گیا ہے، ملزمان کا تعلق ٹانک خیبر پختونخوا سے ہے۔ ملزمان کی گرفتاری کیلئے تمام ناکوں پر پولیس کو الرٹ کردیا گیا ہے۔
