ریاض ( نئی تازہ مانیٹرنگ) سعودی عرب میں عید الفطر 2024 کے موقع پر ملازمین کے لیے تعطیلات کا اعلان کر دیا گیا۔
میڈیا رپورٹ کے مطابق انسانی وسائل اور سماجی ترقی کی وزارت نے عید پر سرکاری اور نجی شعبے کے ملازمین کے لیے 4 روزہ تعطیللات کا اعلان کیا ہے،بتایا گیا ہے کہ عید تعطیلات کا آغاز پیر 8 اپریل سے ہوگا۔ وزارت برائے انسانی وسائل و معاشرتی ترقی کے اعلان کے تحت اکثر ملازمین کو پیر 8 اپریل سے چار دن کی چھٹیاں ملیں گی۔
عیدالفطر کی تعطیلات جمعرات 11 اپریل تک ہوں گی جبکہ سعودی عرب میں جمعہ اور ہفتہ کے ویک اینڈ کی وجہ سے ملازمین عید پر6 چھٹیوں سے لطف اندوز ہوں گے۔
میڈیا رپورٹ کے مطابق تمام ملازمین اتوار 14 اپریل سے کام کا دوبارہ آغاز کریں گے۔ یاد رہے کہ رواں سال سعودی عرب میں 11 مارچ کوپہلا روزہ تھا۔
