گوجرانوالہ ( نئی تازہ رپورٹ) گوجرانوالہ بورڈ آف انٹرمیڈیٹ اینڈ سیکنڈری ایجوکیشن ( BISE) نے میٹرک سالانہ امتحانات 2024 ( 9 ویں ، 10 ویں) کی ڈیٹ شیٹ جاری کردی ہے۔
گوجرانوالہ تعلیمی بورڈ کی ڈیٹ شیٹ کے مطابق 9 ویں جماعت میڑک ( پارٹ 1 ) کے سالانہ امتحان منگل 19 مارچ 2024 سے شروع ہوں گے، 19 مارچ کوصبح کی شفٹ میں نہم جما عت کا اکنامکس( معاشیات) کا پیپر ہوگا۔
گوجرانوالہ بورڈ آف انٹرمیڈیٹ اینڈ سیکنڈری ایجوکیشن کے تحت مارننگ شفٹ کا آغاز صبح ساڑھے 8 بجے ہو گا ۔ پہلے روز19 مارچ کو ایوننگ شفٹ میں پارٹ 1 ( 9 ویں جماعت) فزیالوجی اینڈ ہائیجین،ماحولیاتی مطالعہ، ڈریس میکنگ اینڈ فیشن ڈیزائنگ اور تاریخ پاکستان کے پیپر ہوں گے، ایوننگ شفٹ کے پیپرز کا آغاز دن 1:30 بجےہو گا جبکہ جمعہ کوایوننگ شفٹ کے پیپرز دن 2:30 بجے شروع ہوں گے۔
یہ بھی پڑھیں : ملتان بورڈ نے 9 ویں ، 10 ویں کے سالانہ امتحانات 2024 کی ڈیٹ شیٹ جاری کردی
گوجرانوالہ بورڈ کی جاری کردہ میٹرک امتحانات 2024 کی ڈیٹ شیٹ کے مطابق میڑک پارٹ 2 ( 10 ویں جماعت ) کے سالانہ امتحانات جمعہ یکم مارچ 2024 سے شروع ہوں گے۔
ڈیٹ شیٹ کے مطابق یکم مارچ 2024 کومارننگ شفٹ میں 10 ویں جماعت کے سوکس، لباس اور پارچہ بافی اور فش فارمنگ کے پیپر ہوں گے۔
گوجرانوالہ تعلیمی بورڈ میٹرک کی ڈیٹ شیٹ کے لیے یہاں کلک کریں
گوجرانوالہ بورڈ کےتحت 10 ویں جماعت کے ایوننگ شفٹ میں پہلے روزیکم مارچ کوفزیالوجی اینڈ ہائیجین،ماحولیاتی مطالعہ، تاریخ اسلام اور تاریخ پاکستان کے پیپر ہوں گے۔
لاہوربورڈ نے میٹرک ( 9 ویں، 10 ویں) کے طلبا کو رول نمبر سلپس حاصل کرنے کا طریقہ بتا دیا
گوجرانوالہ بورڈ حکام کے مطابق امیدواروں کے امتحانی مراکز ( سینٹر) ان کی رول نمبر سلپ پر درج ہوں گے اور وہ درج کیے گئے سینٹر پر ہی امتحان دے سکیں گے۔
