بھارتی اداکارہ اور سوشل میڈیا انفلوئنسر ثنا سلطان نے مدینہ منورہ میں نکاح کر لیا، تصاویر سوشل میڈیا پر تیزی سے وائرل ہو گئی ہیں۔
بگ باس او ٹی ٹی میں شرکت کے ذریعے شہرت حاصل کرنے والی ثنا سلطان نے محمد واجد کے ساتھ زندگی کے نئے سفر کا آغاز کیا۔ ان کا نکاح ایک نجی تقریب میں ہوا۔
ثنا سلطان نے اپنی شادی کی تصاویر انسٹاگرام پر شیئر کرتے ہوئے ایک جذباتی کیپشن بھی لکھا۔ انہوں نے اپنی پوسٹ میں زیادہ تفصیلات تو نہیں دیں، مگر چند الفاظ میں اپنی خوشی کا بھرپور اظہار کیا۔
View this post on Instagram
اداکارہ نے لکھا کہ مجھے مدینہ جیسی پاکیزہ اور مقدس جگہ پر اپنے واجد جی کے ساتھ نکاح کی سعادت حاصل ہوئی ہے۔
ثنا نے لکھا کہ دوست سے زندگی کے ساتھی بننے کا ہمارا سفر محبت، صبر اور ایمان کا ثبوت ہے۔
ان کی پوسٹ کے بعد دوستوں اور مداحوں کی جانب سے مبارکبادوں کا تانتا بندھ گیا، جبکہ کئی معروف سوشل میڈیا شخصیات نے بھی انہیں نکاح کی مبارکباد دی۔
ثنا سلطان نے اپنی نکاح کی ویڈیو بھی سوشل میڈیا پر شیئر کی، جسے دیکھ کر مداحوں نے خوشی کا اظہار کیا۔
