لاہور( نئی تازہ مانیٹرنگ) پنجاب حکومت کی طرف سے صوبہ بھر کے طلباء طالبات کو ای بائیکس کی فراہمی شروع ہو گئی ہے ۔
بائیک دینے کی تقریب سے خطاب کرتے ہوئے وزیراعلیٰ پنجاب مریم نوازنے کہا کہ طلبا کو ای بائیکس دینے کا وعدہ کیاتھا آج وعدہ پورا کردیا ہے۔ای بائیک کی ڈاؤن پیمنٹ کی نصف رقم طلبا اور نصف حکومت پنجاب ادا کرے گی،ہمیں طلبہ کوجلائوگھیرائو اور توڑ پھوڑ کی سیاست سے دور رکھنا ہے۔
مریم نوازنے پنجاب کو آلودگی سے پاک کرنے کے لئے ای بائیکس کا رجحان پیدا کرنے کے عزم کا اظہار کیا۔انہوں نے کہا کہ پنجاب میں ای بائکس کے لیے چارجنگ انفراسٹرکچرکا بڑے پیمانے پر آغاز کیاجائے گا۔
دریں اثنا وزیراعلی نے پی ٹی سی ایل گروپ کے صدر اور سی ای او سے بھی ملاقات کی ۔ ملاقات کے دوران پنجاب میں ڈیجیٹلائزیشن اور ڈیجیٹل کمیونیکیشن کے لیے تعاون پربات چیت کی گئی ۔ وزیراعلیٰ مریم نواز نےکہا کہ ای کامرس اور فری لانسنگ سروسزکے ذریعے روزگار کے حصول کیلئے تیزرفتارانٹرنیٹ انتہائی اہم ہے ۔
