وانا ( نئی تازہ رپورٹ) جنوبی وزیرستان کے ایک گھر میں بارودی سرنگ کے دھماکے میں 5 افراد جاں بحق ہو گئے۔
میڈیا رپورٹ میں پولیس کے حوالے سے بتایا گیا کہ جنوبی وزیرستان میں لدھا کے علاقے تنگی بدین زئی میں ایک گھر کے اندر دھماکہ ہوا جس کے نتیجے میں دو خواتین سمیت 5 افراد جاں بحق ہوگئے۔ ابتدائی طور پر دھماکے کی وجہ بارودی سرنگ کا پھٹنا بتائی گئی ہے۔
معلوم ہوا ہے کہ متاثرہ خاندان حال ہی میں اس گھر میں شفٹ ہوا تھا ۔ دھماکے میں جاں بحق ہونے والوں میں 2 خواتین بھی شامل ہیں۔ اطلاعات کے مطابق دھماکے کے بعد قانون نافذ کرنے والے اداروں کے اہلکار موقع پر پہنچ گئے ۔ دھماکے کی تحقیقات شروع کر دی گئی ہیں۔
