کراچی ( نئی تازہ رپورٹ) اعلیٰ ثانوی تعلیمی بورڈ کراچی نے بارہویں جماعت کے آرٹس ( ہیومنٹیز) ، کامرس اور ڈپلومہ ان فزیکل ایجوکیشن کے سالانہ امتحانات 2024 کے نتائج کا اعلان کر دیا۔
بورڈ آف انٹر میڈیٹ ایجوکیشن کراچی BIEK کے نتائج کے مطابق آرٹس ریگولر گروپ میں نجی کالج اقرا حفاظ سائنس کالج کی طالبہ فاطمہ سمیع نے 949 نمبرز کے ساتھ پہلی جبکہ IDA RIEU ہائرسیکنڈری اسکول فار بلائنڈ اینڈ ڈیف کے طالب علم منیب الرحمن نے 933 نمبرز کے ساتھ دوسری پوزیشن حاصل کی ۔ اقرا حفاظ سائنس کالج کی طالبہ فاطمہ صدیقی 917 نمبر لے کر تیسری پوزیشن پر رہیں ۔
اعلیٰ ثانوی تعلیمی بورڈ کراچی کے آرٹس پرائیویٹ گروپ 2024 کے نتائج میں خولہ وسیم نے 897 نمبر لے کر پہلی، زینب سہیل نے 887 نمبرز کے ساتھ دوسری اوردعا ثاقب نے 883 نمبر لے کر تیسری پوزیشن حاصل کی ۔
چیئرمین انٹر بورڈ کراچی نے نتائج کا اعلان کرتے ہوئے بتایا کہ کامرس پرائیویٹ گروپ میں طالبہ بختاور خان نے 840 نمبرز کے ساتھ پہلی، سیدہ منیزہ خالق نے 826 نمبرز کے ساتھ دوسری جبکہ عبداللہ اور عائشہ جنید دونوں نے 817 ، 817 نمبرز کے ساتھ مشترکہ طور پر تیسری پوزیشن حاصل کی۔
ڈپلومہ ان فزیکل ایجوکیشن کے امتحانات میں 10 رجسٹرڈ میں سے 9 امیدوار شریک ہوئے جن میں سے صرف دو امیدوارکامیاب ہوئے۔
ناظم امتحانات زرینہ راشد کے مطابق نتائج بورڈ کی ویب سائٹ اپ لوڈ کردیئےہیں جبکہ اعلیٰ ثانوی تعلیمی بورڈ کراچی کی آفیشل اینڈرائڈ ایپ پربھی نتائج دیکھے جا سکتے ہیں۔
چیئرمین انٹربورڈ پروفیسر امیرحسین قادری نے نتائج کا اعلان کیا۔
بورڈ آف انٹر میڈیٹ ایجوکیشن کراچی کے آرٹس ریگولر گروپ کے نتائج یہاں پر دیکھے جا سکتے ہیں
آرٹس پرائیویٹ گروپ کے نتائج یہاں اس لنک پر موجود ہیں
بورڈ آف انٹر میڈیٹ ایجوکیشن کراچی کے کامرس گروپ کے نتائج یہاں اس لنک پر دیکھے جا سکتے ہیں
